Ditën e sotme ka qenë për t’u zhvilluar seanca gjyqësore ndaj deputetit të Partisë Demokratike, Ervin Salianji.
Seanca ishte parashikuar të mbahej në orën 13:00 në Gjykatën e Apelit në Tiranë, por sipas burimeve për Gazetën Panorama, për arsye të mosformimit të trupit gjykues, gjyqi ndaj tij nuk mund të zhvillohet ditën e sotme.
Njoftimi:
Sot ne date 19.12.2022, ora 13:00, ne Gjykaten e Apelit Tirane, eshte planifikuar per tu gjykuar ceshtja penale me te pandehur Ervin Salianji, etj.
Per arsye te mosformimit te trupit gjykues, gjykimi i ceshtjes nuk do te mund te vijoje.
Kujtojmë se Salianji është marrë si i pandehur për shkak të kallëzimeve të tij për përfshirje në trafikim të lëndëve narkotike të Agron Xhafajt, të vëllait të ish-ministrit të Brendshëm të asaj kohe, Fatmir Xhafajt.
Agron Xhafaj, pas denoncimeve të Salianjit, rezultoi të ishte i dënuar në Itali, ku edhe shkoi për të kryer dënimin prej disa vitesh.
